| Wis akeh crita Rasulullah ditulis. Aneka tulisan bab kuwe macem-macem pandangan. Tapine crita Rasul gaya puisi ndean arang-arang. Apa maning model puisi Rolasan ndean bae durung ana. Apa sih puisi Rolasan?
Rolasan kuwe Rolas ning basa Indonesiane’ duabelas. Endah enak gon kuping ngomonge’ Rolasan. Jalaran puisine’ jumlahe’ pancen rolas larik gel. Genahe’ ana papat bait. Bait kaping siji patang larik karo bait loro uga pada. Huruf awal bait siji nganggo A lan bait loro kudu Y. Bait telu telung larik huruf akhire’ U. Bait papat mung selarik huruf awale’ B tapine kudu kalimat nyenggak sing dadi ciri wancine’ wong Tegal alias wateke’ wong Tegal.
Aturane’ kaya kuwe wis kudu atawa patok bangkrong. Ora bisa dikowet-kowet. Ari basa bisa basa apa bae melune’ basa Asing mbuh uwonge’ sisan melu olih. Yen basa tlatah liya pimen? Ya olih!
Nang buku kiye’ ora kur crita Rasulullah kaya umume’ ditulis. Pancen ora adoh-adoh mempere’. Arane’ crita Rasulullah awit cilik, gede lan dadi Rasul nganti dalan dakwah lan kasile’. Uga wasiat deweke’ kanggo umate’. Ora keri testimoni wong asing maring deweke’ pancen kelebone’ Menungsa Laka-Laka.
Aja watir ana ronce’-ronce atawa pernak-pernik. Ukara sing enteng-enteng nang uripe’ Rasul. Sing nggambarna Rasul kuwe menungsa kaya umume’ menungsa mung bedane’ deweke’ dijaga lelakune’, kasebute’ Maksum.
Yen maksude’ buku kiye’ men katon sejen. Kayadene’ panganan ning tambah bumbu eben saya sedep. Nggawe’ ilat bisa oyag-oyag saking nikmate’. Semana uga buku ana bumbune’ dadi nggawe’ ngorong pengin diwaca terus. Ora cukup sepisan-pingdo.
Wis diwaca bae’ nganti bundas laka sing keri setitik-titik acan. Bener beleh gawe’ ngorong diwacan?! |