Timor-Leste hasoru dezafiu nutrisaun ne’ebé kompleksu dezde independénsia, ho taxa malnutrisaun ne’ebé aas no asesu ba ai-han ne’ebé limitadu. Livru “Transformasaun Nutrisaun iha Timor Leste: Istória, Dezafiu, Polítika, no Inovasaun sira” esplora viajen naruk nasaun nian hodi rezolve kestaun nutrisaun liuhosi polítika, programa intervensaun, no inovasaun sira iha setór saúde no ai-han.
Ho abordajen istóriku no analítiku, livru ida-ne’e diskute kona-ba fatór sosiál, ekonómiku, no kulturál sira ne’ebé influensia estatutu nutrisionál sosiedade nian. Aleinde ida-ne’e, diskute mós kona-ba papél governu nian, organizasaun internasionál sira, no komunidade sira iha esforsu atu hasa’e seguransa ai-han no asesu ba nutrisaun ne’ebé ekilibradu.
Livru ida-ne’e la’ós de’it halo revizaun ba dezafiu sira ne’ebé hasoru, maibé mós solusaun sira ne’ebé implementa ona no perspetiva ba polítika sira iha futuru. Aleinde destina (ditunjukan) ba akadémiku sira, halo polítika sira, no pratikante saúde sira, livru ida-ne’e sai hanesan referénsia importante ida hodi komprende dinámika nutrisaun nian iha Timor-Leste no oinsá transformasaun sustentável bele realiza ba jerasaun sira iha futuru.